एनर्जी अर्थात ऊर्जा दुई प्रकारको हुने गर्दछ – सकारात्मक र नकारात्मक । यसले व्यक्ति होस् वा भवन दुबैमा नाम अनुसारको प्रभाव पार्दछ । घरमा सकारात्मक उर्जा सञ्चार भए घरमा सुख–शान्ति र समृद्धि आउने मान्यता छ भने नकारात्मक ऊर्जा प्रवेश भए लगातार समस्याहरु आउने मान्यता छ ।
नकारात्मक ऊर्जा भनेको भूत–प्रेत होइन घरमा वास्तु दोष हो । जसले घरमा झगडा निम्याउने, खुशी भंग हुने र धनको अभाव हुने गर्दछ । जसको समाधानको पहल नभएमा समस्या झन् झन् बढ्दै जान्छ । यसकालागि निम्न केहि उपाय उपयोगी हुने गर्दछ ।
१. घरको मुख्यद्वार जहाँबाट घर प्रवेश गरिन्छ त्यो सधै सफा हुनु पर्दछ । साथै त्यो भन्दा बाहिर र भित्र पनि सफा भएमा नकारात्मक ऊर्जा घरमा प्रवेश गर्न पाउँदैन ।
२. बिहीबार बाहेक अन्य दिनमा घर पुछ्दा पानीमा नुन हालेर पुछेमा घरको नकारात्मक ऊर्जा नष्ट हुने वास्तुको मान्यता छ ।
३. घर भित्र पूजापाठ गर्दा पनि नकारात्मक ऊर्जा नष्ट हुने गर्दछ । यस क्रममा हरेक साँझ बिहान दियो बालेमा र शुभ तिथिमा सत्यनारायणको कथा पाठ गरेमा पनि लाभ मिल्दछ ।