गरुड पुराणमा जीवन र मृत्युसङ्ग जोडिएका सम्पूर्ण रहस्यका बारेमा बताइएको छ । धर्म शास्त्र अनुसार गरुड पुराणमा बताइएका कुरा भगवान् विष्णुद्वारा भनिएको हो। यस पुराणका अनुसार व्यक्तिले आफ्नो कर्मका हिसाबले फल पाउँछ ।
यदि कुनै व्यक्तिले कुनै यस्तो काम गर्दछ, जो महापापमा पर्दछ भने उसले केवल जिउँदैमा नर्क समान जीवन जिउनु पर्दछ । साथै मृत्युपछि पनि नर्कमा विभिन्न कष्ट–यातना भोग्न पर्दछ । शास्त्र अनुसार मानिसले गरुड पुराणमा बताइएका ६ महापाप गर्नु हुँदैन ।
यी हुन् महापाप मानिएका काम
– कुनै पनि महिलाको अपमान गर्नु पाप हो, तर गर्भवती स्त्रीको अपमान गर्नु वा ऊसँग अनैतिक काम गर्नु महापाप हो । यस्ता काम गर्ने मानिसले जिउँदैमा नर्क समान जीवन जिउनु पर्ने धार्मिक विश्वास छ ।
– गर्भमा रहेको शिशु, गर्भवती महिला वा नवजात शिशुको हत्या गर्नु पनि महापाप हो । गरुड पुराण अनुसार यस्तो पाप गर्ने मानिसले अयत्न कष्ट र यातना भोग्नु पर्दछ ।
– हाडनाता, मित्रकी पत्नीका साथ अनैतिक काम गर्नु पनि महापापको श्रेणीमा पर्दछ । यस्ता मानिसले पनि नर्कमा कष्ट भोग्नु पर्ने गरुड पुराणको मान्यता छ ।
– वृद्ध, असहाय, विधवा वा अपाङ्गको मजाक उडाउने, उनीहरूलाई कष्ट दिने वा उनीहरूका साथ गलत काम गर्ने व्यक्तिले पनि नर्कमा कठोर सजाय भोग्नुपर्ने मान्यता छ ।
– कुनै धर्म ग्रन्थ, मन्दिर वा भगवान्को अपमान गर्ने व्यक्तिले नर्क पाउने मान्यता छ ।
– अपाङ्ग, विधवाको धन लुट्नु महापाप मानिएको छ । यसो गर्ने व्यक्तिले जिन्दगीमा दुख र समस्या झेल्नुपर्ने र मृत्युपछि नर्क भोग्नुपर्ने गरुड पुराणको मान्यता छ ।